Prozesuaren misioa hezkuntza-komunitatearen euskararen erabilera indartzea eta sustatzea da, bai ikasgelan bai eta ikasgelatik at ere, euskararen normalizazioa lortzeko asmoz.
EKINTZAK
- Ulibarri programan parte hartzea: HNATak guneko Berritzegunean antolatzen diren
mintegietara joango dira prestakuntza eta informazioa jasotzeko eta, eskolako Batzordean zabaltzeko. - Urteko Planaren jardueren definizioa, kudeaketa eta koordinazioa zikloka eta etapaka. Urteko Plana Klaustroan, Eskola Kontseiluan eta Berritzegunean aurkeztu behar da.
- Guraso eta Ikasle Batzordeak osatzea eta beraiekin biltzea, ikasturteko jarduerak antolatzeko eta programatzeko guztien inplikazioa bultzatuz.
- Irakurketa Plana garatzea ondoko jarduerak burutuz: Bikoteka Irakurtzen proiektua, ikasgelako luburutegia berritzea, elkarrizketak euskal idazleekin, ipuin-kontalariak, Kontu-kontaria koadernotxoa… eta idatzizko adierazpena lantzea jarduera ezberdinei esker, bai ikasgelan bertan baita kanpoan ere.
- Ahozko adierazpena bultzatzeko NOLEGA programan parte hartzea.
- Jarduera ezberdinetan familien parte hartzea eskatzea, euskara eskolatik kanpo indartzeko asmoz: Bikoteka Irakurtzen programa (5. eta 6. mailetan), eskolaz kanpoko jarduerak, ikuskizunak (antzezlanak, jaialdiak…), telebista, irratia… Ikasturtean gugana heldutako informazio interesgarria zabalduko dugu.
- Hizkuntza Normalkuntza Batzordeak, IGEren, ikasleen eta irakasleen laguntzaz, kultura-ekintzak
zein jolas-jarduerak programatuko ditu, euskararen erabilera hedatzeko: Xurrumurru-Karmelitatxu´s news aldizkaria, filmak zein antzezlanak, Euskararen Eguna, irteerak… - Adostaturiko helburuak kontuan izanda, zein ekintza eta irteera burutuko ditugun euskaraz erabakitzea.
- Ikastetxean, Euskararen egoeraren diagnosia gauzatzea eta, ondoren, hezkuntza-komunitatearen konpromisoa berriztatzea.
- Webgunea eta aldizkariaren argitaratze-formatuaren gaurkotzeari esker, prozesuak antolatzen dituen ekintzen berria zabaltzea.
- 2014-2018 Hizkuntza Normalkuntza Proiektua lantzea.
